ДОДЕКА АРМИСКАТА ЕСКАДРИЛА Е ПРИЗЕМЈЕНА
Полицијата се поднови со нови хеликоптери
Игор Чавески
Четири нови транспортни хеликоптери од руско производство, наменети за потребите на Министерството за внатрешни работи, се набавени деновиве, а два од нив завчера пристигнаа на скопскиот аеродром, потврди претставник на МВР. Станува збор за хеликоптери од типот „М-171“, кои можат да соберат 37 луѓе и да пренесуваат товар од четири тона. Портпаролот на МВР, Иво Котевски, потврди за „Време“ дека два хеликоптери се веќе пристигнати и дека Министерството за внатрешни планира да купи уште два хеликоптери од истиот производител, без да наведе детали од која земја се набавени. Хеликоптерите завчера во голема тајност пристигнале на аеродромот „Александар Велики“. Веднаш по пристигнувањето, тие биле префрлени во хангарите на аеродромот и надлежните од Министерството чекаат врз нив да биде направен технички прием за да може да се користат. Од полицијата велат за дел од нив бил распишан тендер, додека за другите допрва ќе биде распишан. Во изминатиов период МВР немаше најави дека планира да купи нови хеликоптери. Откако хеликоптерите ќе ги добијат сите неопходни дозволи, тие ќе се стават во функција на специјалните полициски сили од единицата за посебни намени, бидејќи првите луѓе на полицијата констатирале дека таму постои најголема потреба за зголемување на бројот на леталата. Хеликоптерот „М-171“ важи за едно од најсовремените летала и се користи за патролирање во цивилни цели, а може да се употребува и во воени услови. Максималната висина на која може да лета е 6.000 метри. Развива максимална брзина од 250 километри на час и со еден резервоар може да помине околу 600 километри. МВР има на располагање само три хеликоптери, од кои два се стари петнаесетина години, амортизирани се и досега неколкупати биле целосно сервисирани. Последниот хеликоптер МВР го доби како донација од тајванската влада во 1999 година, како благодарност за воспоставувањето на дипломатските односи со Тајпеј. Македонските безбедносни сили се соочуваат со проблеми со функционирањето на своите воздухоплови. Веќе две недели не летаат воените хеликоптери на Министерството за одбрана поради техничка неисправност. По препорака на Комисијата за испитување на воздухопловни несреќи, Генералштабот на АРМ донесе одлука целиот воздухопловен ВИНГ да биде приземјен. Комисијата констатирала дека хеликоптерите се небезбедни за летање. Забраната за нивно летање се уште е во сила.
Pojasnjavanje za one koji ne razumeju dobro makedonski , makedonska policija je nabavila dva helikoptera tipa Mi-171 za svoju upotrevu , i ima nameru da nabavi jos dva od istog proizvodjaca.
Znaci prvopomenuta dva helikoptera su sletela na skopskom aerodromu Aleksandar Veliki ( bivsi aerodrom Petrovac ) i prebaceni su u hangare dok se ne izvrsi tehnicki prijem helikoptera.
Inace ove letilice su najvise namenjene za upotrebu sa specijalnom policijom i EBR ( jeidinicom za brzo rasporedjivanje ).