PALUBA

АРМ во 2020 година со буџет од 300 милиони евра


Заменик-министерот за одбрана Емил Димитриев важи за мирен и аналитичен интелектуалец, човек што секое слободно време го користи за лов на дивеч по македонските планини. Тој своите дипломски студии ги завршил на Филозофскиот факултет, а образованието го продолжил во Школата за резервни офицери на Воената академија. Димитриев овде говори за зголемувањето на буџетот на АРМ во наредната година, за подобрување на стандардот на војниците, набавката на нова опрема и возила и за продолжување на реформите
   
   
   

ИНТЕРВЈУ: ЕМИЛ ДИМИТРИЕВ, ЗАМЕНИК-МИНИСТЕР ЗА ОДБРАНА

Оваа гарнитура на првите луѓе во Министерството за одбрана успеа да се избори за дополнителни 8 милиони евра во предлог-буџетот за наредната година. Како планирате да го искористите зголемувањето?
- Општа констатација е дека години наназад имаше тренд на намалување на армискиот буџет, за кој со задоволство можам да кажам дека конечно заврши, а од наредната година, па до 2020-та средствата наменети за одбраната континуирано ќе растат. Идејата е да се достигне процент, кој е соодветен, еднаков или подобар од земјите-членки на НАТО. Дури и најсилните земји во економска смисла на зборот не можат само со еден, два или три буџета да го решат проблемот со константната модернизација на армијата. Модернизацијата кај нас ќе се одвива во еден подолг период предвиден со долгорочниот план за развој на одбраната 2011-2020 година, кој е усвоен од Владата. Со соработка на Министерството за финансии испеавме да направиме реални финансиски проекции, кои велат дека Министерството за одбрана во 2020 година ќе достигне буџет што ќе е вреден 20 милијарди денари, или приближно 300 милиони евра. Наредната година ќе дадеме приоритет на купување комуникациска опрема за компјутерска криптозаштита, или популарно наречен тактичко комуникациски систем, ќе набавиме неборбени возила и ќе инвестираме во опремување на оперативниот центар за воздушно набљудување. Истовремено се надеваме дека во наредниот период на дневен ред ќе дојде набавката на специјалната опрема за армијата, која се нарекува „Војник на 21 век“. Тоа е индивидуална опрема за секој војник составена од најмодерни визири, ласерски нишани, технолошки модерни средства за лична заштита и така натаму. Опремата на војниците со ваквите средства сега е приоритет на сите модерни сојузнички армии.

Уште пред неколку години беше најавена набавка на нови борбени воздухоплови. Има ли планови за обнова на флотата?
- Размислуваме за оправданоста да ги модернизираме и активираме борбените авиони „сухои“, кои извесен период не се во функција, во рамките на балканската иницијатива за обезбедување на воздушниот простор. Но пред да се случи потребни се многу пресметки и одлуки дома, со нашите сојузници од НАТО и од ЕУ. Треба да се земат предвид сите околности и да се донесе одлуката.

Имаме ли напредок околу процесот за изградба на армиските станови?
- Проектот „АРМ - мој вистински дом“ напредна од фазата во која подолго време беше закочен. Откога општината Карпош го донесе ДУП, се овозможија условите за градба. Следува утврдување на дефинитивниот број на заинтересирани припадници на АРМ, избор на банка-кредитор и почнување со градба. Старите касарни, односно она што можеше да се отстапи е отстапено за да биде во функција на државата и на општините.

Медиумите неодамна излегоа со информации дека вие сега вршите контрола на работата на претходниот министер за одбрана Зоран Коњановски...
- Сметам дека сé што беше објавено е искривување на вистинската ситуација за редовната работа на одделни сектори на Министерството. Непотребно во јавноста се врзаа имињата на овие луѓе заедно со моето, со што се измести фокусот на реалната ситуација. Ние едноставно се обидуваме да провериме дали вработените во нашето министерство работеле во согласност со законот и навремено, а истовремено сакам да додадам дека личните и партиските односи помеѓу нас функционерите на ВМРО–ДПМНЕ, кои бевме споменати во медиумот, се на највисоко ниво и имаме најнормална соработка и меѓусебно почитување.
   
     
Автор: Александар Србиновски

-Razmisljamo oko opravdanosti modernizacije i aktiviranja borbenih aviona Suhoj, koji izvesan period nisu u funkciji, u okviru balkanske inicijative obezbedjivanja vazdusnog prostora. Ali pre nogo se to desi, potrebno je izvrsiti mnogo racunica kod kuce, sa nasim saveznicima iz NATO i EU. Treba uzeti u obzir sve okolnosti i doneti odluku

Daj boze ili pomozi boze?
Kamo srece da ARM dobije tretman kakav zasluzuje!Zivi bili pa videli.Sto se aviona tice-pare ce se dati-dali za svoje ili tudje koje ce stititi tvoje nebo!

Da nece neki izbori skoro ? :)

Juce sam video temu o presudi MKS u korist Makedonije ali sad je nemogu naci.

Da li takva presuda obavezujuca za Grcku i sta znaci za prakticno za Makedoniju ?

Samo sto je u medjuvremenu ubedila ostale clanice u NATO i EU da ne treba primati Makedoniju u te organizacije dok se ne resi problem sa imenom, tako da nam je ova (moralna) pobeda ipak Pirova.