PALUBA

Распоредување и оценување на декларираниот среден пешадиски баталјон
15:47 - пон., 01.11.2010

Денес, во раните утрински часови, декларираниот средниот пешадиски баталјон (спбн) успешно изведе марш од касарната „Јане Сандански“ во Штип до армискиот полигон (АП) „Криволак“ со што вежбата „Балкански Блесок 2010“, влезе во завршна фаза. Маршот, ,,скорпиите“ од 1. механизирана пешадиска бригада (мпбр) го изведоа со формирање на конвој од над 120 моторни возила, како една од првите борбени постапки со која започна оценувањето на оваа единица, согласно ОСС Концептот на НАТО, НИВО 2 – CREVAL.

До крајот на денот спбн на АП „Криволак“ ќе се оценува низ решавање на повеќе настани и инциденти, во кои ќе треба да ги изврши следините задачи: блокада на пат, постапки при наоѓање на експлозивна направа, ескортирање и напад на конвој, формирање на постојана и мобилна контролна точка, мобилна и извидувачка патрола, постапки при артилериски напад на база, реакција на контаминирано земјиште, евакуација на повредени и заболени (MEDEVAC, CASEVAC).

Во исто време, продолжи и самооценувањето, Ниво 2 – ТАCEVAL на хеликоптерскиот детачмент, кое се одвива паралелно на воениот аеродром во Петровец и на АП „Криволак“. Според сценариото на вежбата, хеликоптерскиот детачмент денес ќе се оценува по следините задачи: CASEVAC, транспорт на трупи, транспорт на опасни материи, транспорт на VIP личности, како и пребарување и спасување. Оценувањето на хеликоптерскиот детачмент се одвива од страна на оценувачкиот тим на АРМ и под мониторинг на претставници на командата на НАТО од Измир.

До крајот денот, ќе биде завршен и проектот од доменот на цивилно-воената соработка за еколошко уредување на просторот, со кој е предвидено припадниците на инженериската чета од 1. мпбр да го отстранат отпадот во околината на селото Криволак, со цел за создавање на почиста и поздрава животна средина.

 
Ден за високи гости на ,,Балкански Блесок 2010“
12:25 - пон., 01.11.2010

Утре, (2-ри ноември 2010 година) со почеток во 11,00 часот на армискиот полигон (АП) ,,Криволак“ на Денот за високи гости, во рамките на вежбата ,,Балкански Блесок 2010“ ќе се изведе тактичка вежба со бојно гаѓање ,,засилен механизиран пешадиски баталјон во напад“. На вежбата покрај механизираниот пешадиски баталјон од составот на 1. механизирана пешадиска бригада, ќе учествува и борбениот хеликоптерски сквадрон (Ми-24) од составот на воздухопловниот ВИНГ, артилериско-ракетната батерија од составот на самоодниот артилериски баталјон и единици за логистичка поддршка. Тие, утре на (АП) ,,Криволак“ покрај практичната примена на тактиките и процедурите за изведување на офанзивни борбени дејства, ќе ја демонстрираат нивната обученост во извршување на различни гаѓања од пешадиско и артилериско вооружување, а низ програмско гаѓање ќе биде прикажана и блиската воздушна поддршка на механизираниот пешадиски баталјон.

На денот на високи гости се очекува да присуствуваат: Министерот за одбрана г-дин Зоран Коњановски, Началникот на ГШ на АРМ генерал-потполковник Мирослав Стојановски, Претседателот на Комисијата за одбрана и безбедност во Собранието на Република Македонија г-дин Влатко Ѓорчев, пратеници во Собранието-членови на комисијата за одбрана и безбедност, високиот воен претставник на НАТО во Република Македонија бригаден генерал Давид Хумар, пензионирани генерали на АРМ, високи гости од МО и ГШ на АРМ, претставници на локалната самоуправа од Штип, Неготино и Кавадарци и други. За оваа прилика, поканети се амбасадорите и воените аташеи акредитирани во Република Македонија, а своето присуство го потврдија и високи воени претставници од армиите на: Албанија, Босна и Херцеговина, Романија, Србија, Турција, Хрватска и Црна Гора, кои на ,,Балкански Блесок 2010“ се во улога на набљудувачи.

Се покануваат новинари, сниматели и фоторепортери, да присуствуваат и да известуваат за настанот. За таа прилика ГШ на АРМ на 2-ри ноември обезбеди организиран превоз до АП ,,Криволак“ со поаѓање во 08.30 часот, пред зградата на МО и ГШ на АРМ. Претставниците на медиумите кои имаат намера да се превезуваат со сопствени моторни возила, потребно е да бидат на влезот во АП ,,Криволак“ најдоцна до 10.00 часот, од каде до местото на настанот ќе продолжат со организираниот превоз.
 

На АП „Криволак“ изведена досега најголема воена вежба со боева муниција во рамки на „Балкански Блесок 2010“
15:52 - вт., 02.11.2010

 

На армискиот полигон „Криволак“ во рамки на вежбата „Балкански Блесок 2010“ денеска се одржа Денот за високи гости, при што беше изведена тактичка вежба со бојно гаѓање „засилен механизиран пешадиски баталјон во напад“.

На вежбата покрај механизираниот пешадиски баталјон од составот на првата механизирана пешадиска бригада, учествуваше и борбениот хеликоптерски сквадрон (Ми-24) од составот на воздухопловниот ВИНГ, артилериско-ракетната батерија од составот на самоодниот артилериски баталјон и единици за логистичка поддршка. Покрај практичната примена на тактиките и процедурите за изведување на офанзивни борбени дејства, на „Криволак“ тие ја демонстрираа нивната обученост во извршување на различни гаѓања од пешадиско и артилериско вооружување, а низ програмско гаѓање прикажаа и блиска воздушна поддршка на механизираниот пешадиски баталјон.

Директорот на вежбата Митре Стојанов информира дека во вежбата учествувале 1.200 учесници, а потрошени биле големи количини боева муниција и ангажирани над 200 моторни возила и друга воена техника. На вежбата присуствуваа и претставници од 13 земји-членки на Партнерство за мир и земји-членки на НАТО.

- Сите планирани активности на вежбата се целосно реализирани, а целта е да се постигне и финалната оценка која е очекувана дека ќе биде позитивна, оцени Стојанов, подвлекувајќи оти оценувачкиот дел го реализираат тимови од АРМ, еден тим за копнениот дел и другиот за военото воздухопловство.

Министерот за одбрана Зоран Коњановски, кој беше присутен на Криволак, потенцира дека Република Македонија е подготвена уште денеска да биде полноправна членка на НАТО.

- Видовме организираност, моќ, одговор на она што значат реформи. Честопати зборувавме, но денеска видовме што значат успешно спроведени реформи во едно Министерство за одбрана односно АРМ. Како граѓанин на Република Македонија сум горд што можев да го видам ова од припадниците на АРМ, изјави Коњановски.

Тој нагласи дека денешните вежбовни активности имаат за цел оценување на среднопешадискиот баталјон и на две чети од ренџерскиот баталјон, полкот за специјални операции, воената полиција и хеликоптерскиот детачмент.Според него оценките ќе бидат исклучително добри.

Министерот за одбрана појасни дека вежбовната активност ја планирале веќе една година, а вакви активности, најави, ќе има и за другите единици кои ќе бидат сертифицирани за учество во мировните мисии надвор од Република Македонија.

Началникот на ГШ на АРМ Мирослав Стојановски кој ја проследи вежбата им порача на сите учесници и присутни дека е горд на сите припадници на АРМ за се она што во изминатите денови, месеци и години го демонстрирале и го постигнале.

- Ова е процес што трае долго време. Денеска можевме да се увериме во сите вештини со кои располагаат припадниците на единиците кои беа вклучени во оценувањето. Прерано е да се носи заклучок околу тоа какви ќе бидат оценките, меѓутоа врз основа на претходното и она што денеска го покажавме сметам дека оценките ќе бидат позитивни и декларираните единици ќе го добијат потребниот сертификат за учество во мисиите надвор од Република Македонија, изјави Стојановски.

Од 24 октомври до утре на Армискиот полигон „Криволак“, во Центарот за обука Пепелиште, во касарните „Илинден“ во Скопје и „Јане Сандански“ во Штип, и на аеродромот Петровец се изведува вежбата „Балкански блесок 2010“.

Сценариото на вежбата „Балкански блесок 2010“ беше без намера да претстави некое постоечко или некоја постоечка светска ситуација или, пак, некоја планирана ситуација. Според сценариото, настаните се случуваа во фиктивна земја Камберија која се наоѓа во јужноморскиот регион. Камберија е држава составена од две провинции со вкупно население од три милиони жители. Со Уставот од 1995 година е конституирана како нова демократска земја, со не многу силна централна власт, а во периодот на транзиција со длабоки социјални и политички поделби. Целта на мисијата на вежбата беше да се спречат какви било насилства помеѓу двете страни и да се обезбедат услови за враќање на раселените лица.

Истата претставува континуитет на вежбите „Македонски блесок“ и во текот на неа се извршува НАТО-оценување НИВО 2 - KREVAL. На вежбата учествуваат над 1.200 припадници од Армијата на Република Македонија, а главни учесници се декларираниот среден пешадиски баталјон од првата механизирана пешадиска бригада, декларираната чета на воената полиција од батолјонот на воената полиција, декларираната чета за длабинско набљудување од полкот за специјални операции, како и декларираниот хелихоптерски детачмент од воздухопловниот ВИНГ.

Добро направљен приказ активности са ове вежбе.

Рекао бих да студенти ВА носе униформу која је по маскирном дезену иста као код ВС са мало наглашенијом смеђом бојом (или ми се чини због квалитета снима).

Смотра опреме је класична смотра по моделу ЈНА : "покажи заштитини огртач" (или шта већ држе), уједно провераваш шта знају:"реци намену и тактичко-техничке карактеристике". "Војско, која си да си иста си".